Malware (programet dashakeqëse) është një term i përgjithshëm që përdoret për programet që futen në një kompjuter për të marrë informacione të ndjeshme apo për t’u futur vjedhurazi në sisteme të mbrojtura informacioni. Ky lloj softueri krijohet dhe përdoret nga kiberkriminelët dhe aktorë të tjerë të rrezikshëm, madje edhe qeveritë, për të dëmtuar me qëllim një sistem informacioni dhe/ose për të vjedhur informacion nga ai. Në disa raste, qëllimi i malware nuk është të dëmtojë një sistem, por të frikësojë personin që e përdor atë.

Shumica e malware-s përbëhet nga një ose më shumë skedarë dhe vepron si një program ose një aplikacion, por ka edhe malware që funksionon tërësisht në memorie.

Malware mund të klasifikohet sipas mënyrës se si infekton sistemet ose sipas veprimeve që kryen në sistemin.