Без разлика што правите на интернет, секогаш треба да ги следите добрите безбедносни практики што генерално се применуваат:

• Бидете внимателни со вашите лични податоци;
• Почитувајте ја приватноста на другите на интернет;
• Преземајте (download) датотеки и инсталирајте софтвер само од познати и сигурни извори;
• Редовно ажурирајте го целиот софтвер и оперативниот систем на вашите уреди за да го намалите ризикот од напади;
• Користете уникатни и сложени лозинки и безбедно чувајте ги во програми за менаџирање со лозинки;
• Секогаш кога е можно, воведете автентификација (најава) на повеќе нивоа на вашите сметки на интернет;
• Користете софтвер за антивирус/антималвер;
• Шифрирајте сè што можете да шифрирате (енкрипција);
• Ако треба да користите јавен компјутер, обидете се да не оставите никакви траги зад себе (на пр. преземени датотеки, најавувања на сметки, историја на прелистување);
• Ако вашиот USB флеш-уред бил користен на јавен или на незаштитен компјутер, скенирајте го уште еднаш со софтвер за антивирус/антималвер пред да го користите. Генерално, се препорачува преносните уреди, на пр. USB флеш-уреди или надворешни тврди дискови, да се скенираат секогаш кога ќе се поврзат на компјутер;
• Имајте ги предвид последиците од секое ваше дејство на интернет, приватноста не значи помала одговорност;
• Барем набрзина прочитајте ги условите за користење/услугата пред да кликнете на „Прифаќам“.